Wednesday, December 3, 2008

Hari Ni Panah Molek


Pagi takdi tengok mak ambo ngan worih warah kait daun pisae gallo
hak nak wat bukuh tapei.
Memey la ghayo lambat lagi tapi takut ujae lepas ni , tak pasa-pasa takleh ambik daun pisae. Tak buwwat tapei la.
Kalu sapo-sapo tak tahu, daun pisae ni kena kering baru buleh wat bukuh tapei.
Hak basah buleh jugak tapi tapei jadi masae. Tak makkae la...
Mak ambo kata, biar kecut pun daun tu drp takleh ambik lasung.
Kironyo beringat la nih, takut takleh wat tapei.

Pagi takdi jugak ore mari mesin ruput rumah ambo.
Lega... sebab ruput pendek comei habih dah .

Tengahari takdi, ambo jahit lasir sikit. Sapo seko...ambo jahhit ari nih.
Renyuk petu' pun takpe, puah hati.
Tapi tak siap pun, esok ambo sambung pulak.

Petang pulak, ambo gi patta kemasin ngan ain dan sepupu ambo.
Ajat tu nak cari air nyior tapi takdok. Ada kheppok tokol jah.
Lepas makan minum, teman ain ngan anak sepupu ambo main gelosor, ndo dae cokngik cakdong.
Kalu juppo gottuh, suko bena budak-budak, payoh la nak balik anak betuah nih.

Puko ne lebih petae takdih, ambo gi buwwa rumah mak ambo sambil buka daun palah hok nak wat tuppat.
Mak ambo ni segero sokmo kalu nak wat gapo-gapo.
Hak nih, ambo tak nurron dia. Ambo tak beghehi wat kerejo segero-segero sangat.
Bia lambat, asa dae siap.hehehe
Lepah maghrib pulak, ambo anak beranok gi rumah toktua.
Sekala ambo gi ari Jumaat tapi sebab Jumaat lepah ambo tak gi (dok kualo lupor maso tuh), kiro gati le saknih. Dok semeta rumah toktua, abe ambo hok sulung telepon nak gi rummah.
Ambo royat sebeta lagi ambo sapa kelik.
Maso ambo kelik takdih, seda molek dia anok beranok baru sapa.
Ni dia baru jah kelik.
Ambo tak ngantuk lagi.
Tu yang nullih sikit nih.
Baru royat tak ngattuk.... ngattuk dah eh.
Pahtu takpo lah deh.
Abih dah pon benda hak nk royat.
Hehehe. Saing sobat pehae ko nih??

15 comments:

Anonymous said...

"Bia lambat, asa dae siap."

saya nurun che sue laa gitu gak bukan mek ngan abah. hahahah

atie said...

Oh Tapei...sedap tu. Kelantan tunggu...saya date

en_me said...

ammvoiii cekgu ittewww.. sakannns

Rumah Kuning said...

je,
last minute do'ah pun c su tak suko jugak. hehe

Rumah Kuning said...

atie,
ambo tak rajin buat tapei.kalu buat, tak tahu lagi jadi ko dak. makae nga ais skreng.sedapnyo...

en_me,
faham ke? buang tebiat sikit.hehehe

Intan said...

Ganah entry cikgu kali ni... mesti rhama hok melopong tok pehae...

Terliur pulok nok makae ketupat pulut denga tapei.

Raya haji ni kawe kelik Ipoh jah, cuti doh habis licin, terpakso lah makae lemae tok tuo buat..huhu.

Unknown said...

hehehehe
salam perkenalan

Rumah Kuning said...

intan,
lemae pun sedak jugak. toktua buat lemae, intan buat rendae, baru jeliro molek.hehe

dazzlaila,
salam perkenalan kembali.

kuIna said...

lidah sy tergeliat gak td.... la nie ok blk dah..

mak sy buat tapai pakai daun keladi... eeehhhh x gatai la...

Rumah Kuning said...

tak penah pulak dengan buat tapai pakai daun keladi. nanti kuina ambik gambar tunjuk kat blog boleh? hehehe

Anonymous said...

Gapodio gegegegoknih, ccaro kotapei abih segalo jokei orei dok denga.
msf

ija said...

mak aihhh..tergagap2 saya baca entry ni..ada yg phm ada yg tak..yg tak paham saya pun buat2 phm la..hihi
rumusannya entry ni adalah persiapan nak raya..tul tak kak?

Anonymous said...

musafir,
tak balik ke rhayo aji nih?

ija,
elok tu, buat-buat faham je.hehe

Anonymous said...

hahaha c su.... saya faham.... tapi slow sikit la...sebab ejaan tak sama ngan sebutan nyer... kan cik su??? abis sakit kening(berkerut siap)... dok baco entry c su kali neh... ganah c su.... hahahaha

Anonymous said...

nor,
rasonyo kena eja kot jawi baru keno ngan bunyi.betul dak?